AQUA-PLANNPROJECT

CELEBRADA AS 2ª XORNADAS DA AUGA DE ABEGONDO

2009-11-19T03:56:00.000-08:00

Despois de 18 intensas horas, unha pequena maratón, clausuráronse en Abegondo as Xornadas da Auga correspondentes ao ano 2009.
Durante dous días, as 64 persoas inscritas tiveron oportunidade de coñecer, de boca dos 19 poñentes protagonistas, as últimas experiencias en participación publica activa en relación á creación dos novos Plans Hidrolóxicos de distintas demarcacións hidrográficas do Estado.
Nunha das conferencias, Roberto Arias e Belén Quinteiro expuxeron a metodoloxía que Augas de Galicia levará a cabo para probar no sistema Mero-Barcés as Mesas de Cuenca, como xeito de implicar aos usuarios da auga na toma de decisións relacionadas coa xestión hídrica, dentro do marco Aqua-Plann. Os resultados desta iniciativa de participación pública a pequena escala serán contrastados cos que se obteñan das Mesas Territoriais, organizadas para á aprobación do novo Plan hidrolóxico da Demarcación Hidrográfica Galicia-Costa. En caso de éxito, podería pensarse en estender esta experiencia a outros sistemas de explotación desta Demarcación nas sucesivas revisións do Plan Hidrolóxico.
Tamén anunciouse que para a organización da Mesa de Cuenca Mero-Barcés, poderá contarse coa axuda do Grupo de Desenvolvemento Rural Mariñas - Betanzos, como xestor social. A idea proposta é aproveitar os anos de traballo dos GDR galegos na dinamización de asociacións cidadáns, industrias, agro gandeiras, culturais e deportivas.
Por último, os asistentes descubriron diversas formas de posta en valor do patrimonio medio ambiental en medios acuáticos, tanto a través do deseño de programas de política local como aproveitando as inercias de programas europeos da sona do Life+.

28-29 outubro "Xornadas da Auga de Abegondo"

2009-10-13T23:57:00.000-07:00

Os vindeiros 28 e 29 de Outubro terá lugar na AULA MULTIMEDIA da CASA DO CONCELLO DE ABEGONDO as Xornadas da Auga.

O MÉRCORES estará dedicado a "DIRECTIVA MARCO DA AUGA (DMA) E PARTICIPACIÓN PÚBLICA", e contará con conferenciantes como:
·Oscar Cid Favá, Profesor de la Universitat Rovira i Virgili. Director del Camp d'Aprenentatge Delta de l'Ebre.
·Muntsa Niso Holgado, Responsable de La Unidad Singular de Participación
Agencia Catalana del Agua.
·José Álvarez Díaz, Jefe de la Oficina de Planificación Hidrológica de la Confederación Hidrológica Miño-Sil.
·Javier Fernández Pereira, Jefe del Área de Planificación Hidrológica de la Confederación Hidrológica del Duero.

Ase mesmo, Roberto Arias Sánchez, representante de Augas de Galicia para Aqua-Plann Project, explicará a metodoloxía de participación pública que se porá en práctica na bacía do Mero - Barcés.

Na xornada do XOVES coñeceremos "ESTRATEXIAS DE POSTA EN VALOR DO MEDIO A TRAVÉS DA AUGA". Xa está confirmada a asistencia de:
·Regina Polín Rodríguez, Alcaldesa del Ayuntamiento de Guitiriz
·Miquel Campos Illach, Consorci de L`Estany - Proyecto Life+ Naturaleza
·Eduardo de Miguel Beascoechea, Fundación Global Nature – Proyecto Life+ Naturaleza
·Urbano Fra Paleo, Escuela Politécnica Superior de Lugo.

O programa está dispoñible en http://gdr29.blogspot.com
Para asistir é necesario apuntarse antes do 25 de outrubro en: formación@ceida.org. A entrada é libre pero con plazas limitadas.

Actividades de participación pública

2009-09-29T00:47:00.000-07:00

O pasado mércores 23 de setembro tivo lugar no salón de actos do CEIDA (Oleiros) a primeira reunión da Mesa do Medio Ambiente da Asociación “Mariñas – Betanzos”.

Nesta xuntanza se informou a todos os asistentes das distintas iniciativas que se están a desenvolver no territorio:
- Grupo de Desarrollo Rural GDR Mariñas-Betanzos, que xestiona para o territorio os fondos do Programa LEADER 2007-2013.
- Grupo de Acción Costeira Nº2 “Golfo Ártabro”, que colabora na xestión das Liñas de axuda do Fondo Europeo de Pesca.
- O proxecto Mandeo, "o río como eixo dinamizador".
- O proxecto LIFE+ “Aqua-Plann Project”.

O principal motivo desta exposición conxunta é sentar as bases dos sistemas de participación pública medio ambiental. Así, nos vindeiros días, os técnicos responsables destes catro programas, estableceran unha metodoloxía de actuación conxunta que posibilite a implicación activa da cidadanía.

MESA DA AUGA

2009-09-20T01:59:00.000-07:00

O próximo mércores 23 DE SETEMBRO DE 2009 ás 19:00 HORAS NO CASTELO DE SANTA CRUZ (Sede do CEIDA) terá lugar a MESA SECTORIAL DO MEDIO AMBIENTE ADR "MARIÑAS- BETANZOS" na que se tentará sentar as bases para a creación da Mesa da Auga do proxecto AQUA-PLANN.

FORTE IMPULSO AO PROXECTO AQUA-PLANN

2009-09-20T00:09:00.000-07:00

O pasado mércores día 16/09/2009, cunha aula da natureza chea, os conselleiros de Medio Ambiente e Medio Rural, a presidenta de Augas de Galicia, o alcalde de Abegondo, e o director xeral de Emalcsa, asinaron entre aplausos, o convenio de colaboración entre socios de ‘Aqua Plann Project’. Este acto, cuberto polos principais medios de comunicación galegos, dá idea da grande implicación dos socios beneficiarios e do interese que está a espertar entre a opinión pública.

A sinatura deste documento asegura o financiamento necesario para levar a cabo as accións do proxecto e compromete ao Concello de Abegondo, Augas de Galicia, Consellería do Medio Rural e Emalcsa a poñer todos os medios necesarios para acadar as metas definidas na candidatura aprobada pola Comisión Europea.

ACTO DE SINATURA DO CONVENIO AQUA-PLANN

2009-09-14T02:07:00.000-07:00

O próximo mércores día 16/09/09 ás 12:30, celebrarase a firma do Convenio de Colaboración entre os socios beneficiarios do proxecto Aqua-Plann.

Ao acto, que terá lugar na Aula da Natureza de Crendes, asistirán, entre outras personalidades, o Conselleiro de Medio Ambiente, Territorio e Infraestruturas", o Conselleiro do Medio Rural, a Presidenta de Augas de Galicia e EPOSH, o Director Xeral de EMALCSA e o Alcalde de o concello de Abegondo.

VISITA "REED BEDS" UK

2009-09-14T01:49:00.000-07:00

O obxecto da viaxe a Inglaterra era coñecer sobre o terreo exemplos de aplicación de humedais como sistemas de depuración de augas residuais.

Os humedais son sistemas de depuración naturais que destacan por baixos custos de instalación e mantemento e unha boa integración no medio rural. Están especialmente indicados para o tratamento de residuos urbanos en pequenos núcleos de poboación. Estas razóns fan que sexan unha solución de interese para o rural Galego.

Coñecidos no Reino Unido como reed beds -literalmente camas de xuncos-, tratan de reproducir de forma controlada os procesos de depuración existentes en sistemas naturais como as brañas ou xunqueiras.

Así, nesta visita a Inglaterra púidose comprobar a súa aplicación en distintos ámbitos:
-Tratamento de lixiviacións procedentes do selado dun vertedoiro,
-Depuración de augas de urbanas en dous núcleos rurais de 700 e 2.000 habitantes situados na campiña das Midlands inglesas.
-Tratamento de residuos en xardíns e parques naturais e encoros, como o de Pitsford, próximo a Northampton, con algunha similitude ao proxecto que se intenta desenvolver.

O traballo realizado foi produtivo e comprobouse que a utilización desta tecnoloxía pode ser de aplicación en Galicia, como se intentará demostrar na planta piloto que se instalará nas inmediacións do encoro con motivo do proxecto Aqua-Plann.

CELEBRADA A 2ª REUNIÓN DA COMISIÓN DE SEGUIMENTO DO PROXECTO AQUA-PLANN

2009-09-06T23:48:00.000-07:00

O pasado día 04/09/09, na estrea do salón de plenos da Casa do Concello de Abegondo, reuníronse os representantes dos socios do proxecto Aqua-Plann. Asistiron:
-D.José Antonio Santiso Miramontes, Alcalde do Concello de Abegondo.
-D.Manuel Eladio Fernández Vázquez, Concelleiro delegado de obras y servicos do Concello de Abegondo.
-D.Manuel Orejón Guillén, Director Técnico de EMALCSA.
-D.Adrián López Orol, Enxeñeiro Departamento de Enxeñería e Proxectos de EMALCSA.
-D.Roberto Arias Sánchez, Xefe de Servizo de Execución da Planificación e Explotación de Sistemas de Augas de Galicia.
-D.Federico Sánchez Rodríguez, Subdirector Xeral de Innovación e Experimentación Agroforestal da Consellería do Medio Rural.
-D.Juan Fernando Castro Ínsua, Director do Centro de Investigacións Agrarias de Mabegondo.
-D.Jorge Blanco Ballón Xerente do programa LEADER do G.D.R “Mariñas-Betanzos”.
-D.Carlos Ameijenda Mosquera, Director Técnico da Oficina LIFE.

As principais decisións tomadas foron as seguintes:
-Priorizar a xeración do SIX da bacía Mero-Barcés.
-Validar o emprazamento das dúas novas EDAR para núcleos de 200 habitantes equivalentes.
-Iniciar no inverno 2009-2010 as labores de plantación dun filtro verde de vexetación de ribeira no CIAM.
-Comezar a realizar o inventario de verquidos e captacións a mediados do mes de outubro.
-Celebrar o día 21/09/09 a primeira Mesa da Auga.

O CONSELLO DA XUNTA AUTORIZA A SINATURA DO CONVENIO DE COLABORACIÓN DO PROXECTO AQUA-PLANN

2009-09-01T04:43:00.001-07:00

O Consello da Xunta celebrado o día 27/08/2009 acordou autorizar a sinatura do convenio de colaboración entre o Concello de Abegondo, Augas de Galicia, a Consellería do Medio Rural e a Empresa Municipal de Augas de A Coruña (EMALCSA), para a posta en marcha do
proxecto “Aqua-Plann Project: xestión integrada dos recursos hídricos e a súa
aplicación no Plan local LCI Abegondo-Cecebre".

O CONCELLO DE ABEGONDO CONTRATA AO DIRECTOR TÉCNICO DA OFICINA LIFE+

2009-09-01T04:30:00.000-07:00

Con data 03/08/2009, o Concello de Abegondo, socio coordinador do proxecto Aqua-Plann, contratou a Carlos Ameijenda como Director Técnico da Oficina Life+, que se atopa situada na propia Casa do Concello.

CELEBRACIÓN DA XORNADA "AUGA E DESENVOLVEMENTO SOSTIBLE DESDE O ENFOQUE LOCAL"

2008-11-19T00:48:00.000-08:00

Esta Xornada acadou un gran éxito encanto a asistencia e participación do público en xeral; feito que pon de relevancia o interese que desperta a gobernanza da auga dentro do noso territorio (Concello de Abegondo e arredores do LIC Encoro Abegondo-Cecebre).
As ponencias desenvolvéronse segundo o programa establecido tendo unha significación especial aqueles casos reais que foron expostos en relación á "nova cultura da auga" e ós desafíos presentados na xestión da auga en paises en desenvolvemento ("A experiencia Caboverdiana").
Un momento destacado foi a presentación do Proxecto LIFE+ (2009-2011): AQUA-PLANNPROJECT. Proxecto sobre o cal todos os interesados atoparán nesta páxina a información máis relevante do mesmo.
Fotos da xornada

XORNADA "AUGA E DESENVOLVEMENTO SOSTIBLE DESDE O ENFOQUE LOCAL"

2008-11-05T02:44:00.001-08:00

Esta xornada terá lugar o día 17 de novembro de 2008 no Concello de Abegondo, estando prevista a inauguración ás 9:30 horas. Data de prescripción ata o 14 de novembro.

O seu obxectivo é facer unha presentación xeral da xestión dos recursos hídricos en Galicia, tratando temas fundamentais como o papel da cooperación no uso e xestión da auga como clave do desenvolvemento sostible; o estado de aplicación da Directiva Marco da Auga e os grandes retos que se presentan na área metropolitana de A Coruña de cara á problemática deste recurso.

Ver tríptico

XORNADA “AUGA E DESENVOLVEMENTO SOSTIBLE DESDE O ENFOQUE LOCAL”

2008-10-28T07:16:00.000-07:00

Esta xornada terá lugar o día 14 de novembro de 2008 no Concello de Abegondo, estando prevista a inauguración ás 9:30 horas.

O seu obxectivo é facer unha presentación xeral da xestión dos recursos hídricos en Galicia, tratando temas fundamentais como o papel da cooperación no uso e xestión da auga como clave do desenvolvemento sostible; o estado de aplicación da Directiva Marco da Auga e os grandes retos que se presentan na área metropolitana de A Coruña de cara á problemática deste recurso.

Ver tríptico

APROBACIÓN DO PROGRAMA “AQUA-PLANN PROJECT” POR PARTE DO COMITE LIFE+ DA COMISIÓN EUROPEA

2008-10-28T07:04:00.000-07:00

O día 28 de xullo do 2008, o proxecto presentado polo Concello de Abegondo: “Xestión Integrada dos Recursos Hídricos e a súa Aplicación no Planeamento Local do L.I.C. Abegondo – Cecebre, (Aqua-Plann Project)” recibiu a aprobación por parte do Comité LIFE+.
Este proxecto a desenvolver entre 2009 e 2011, permitirá afondar no desenvolvemento da Directiva Marco da Auga na comarca do Mero-Barcés, mellorando a xestión dos recursos hídricos e a súa gobernanza, trasladando todo isto a cidadanía.
O concello de Abegondo está orgulloso de asumir esta responsabilidade de futuro, que non tería chegado sen o apoio e compromiso, como socios do proxecto, de Augas de Galicia, EMALCSA e Consellería do Medio Rural.

Para máis información pódese consultar os distintos items do apartado "INFORMACIÓN XERAL DO PROGRAMA".